Lea-Artibaiko XIV. enpresa proiektu lehiaketa

 

Azaro Fundazioa eta Leartibai Garapen Agentzia-Behargintza enplegu eta tokiko garapenerako zentroa, Lea-Artibai eskualdearen garapenarekin konprometituriko erakundeak dira, eta enpresa berrien sorrera beraien misioaren parte da. Ekintzailetza kultura hedatzeko asmoz, Lea-Artibaiko XIV. enpresa proiektu lehiaketa abian jarri dute bi erakundeek.

 

HELBURUAK

Pertsona ekintzaileak antzematea.

Ekintzailetza kultura hedatzea.

Lea-Artibai eskualdean lanpostu berrien sorrera bultzatzea.

Kooperatiba eredua bultzatzea.

 

NORI ZUZENDUTA

2019 urteaz geroztik, Lea-Artibai eskualdean enpresa berri bat martxan jarri edo 2020an martxan jartzeko asmoa duten ekintzaileei zuzenduta dago. Enpresa proiektu kooperatiboei dagokionez, Lea-Artibai eskualdean kokaturikoez gain, Busturialdea, Durangaldea eta Debabarrenean kokatutakoak ere aurkeztu ahalko dira.

 

MODALITATEAK

3 modalitate ezberdinduko dira:

1).- Negozio ideia berritzaileak

2).- Merkataritza, ostalaritza, turismo eta zerbitzu enpresak

3).- Kooperatiba izaera juridikoa duten enpresa (bere jarduera edozein izanik)

 

SARIAK                         

Modalitate bakoitzarentzat ondorengoak izango dira sariak eta ez dira beraien artean bateragarriak izango:

• Enpresa proiektua martxan jarri eta garatzeko laguntza ekonomikoa:

1. modalitatea: 2.000 €

2. modalitatea: 1.500€

3. modalitatea: 2.000€

• 3. modalitatearen kasuan aurretik Kooperatiben Mahaiaren laguntza jaso bada, ez da bateragarria izango.

• Herritarren bozketaren irabazlea: "Hamen Bertokoa"-ren otzara bat.

• Erakunde antolatzaileek kudeatzen dituzten programa ezberdinetan parte hartzeko aukera.

• Lea-Artibai Berrikuntza Gunea eraikineko enpresa haztegian kokatzeko erraztasunak.

• Enpresa martxan jarri arte eta ondorengo urteetan aholkularitza eta laguntza erakunde antolatzaileen eskutik.

 

Oharra: Epaimahaiak parte-hartzaileei deitzea posible izango da beraien proiektuak defenda ditzaten.
  Aurkeztutako egitasmoen maila baxuegia dela erabakiz gero, sariak ezerezean geratu daitezke.
  Saria proiektuan izandako gastuaren justifikazioa egin ostean ordainduko da.

EPEAK

• Proiektuak aurkezteko lehen eguna: 2020/03/16

• Proiektuak aurkezteko azken eguna: 2020/03/31

• Argazkiak bozkatzeko epeak: 2020/04/06tik 2020/04/26ra.

• Sari banaketa: 2020/05/07 , Ekintzaile Egunean, Markina-Xemeinen.

 

 

 OINARRIAK ETA IZEN-EMATEA

Deskargatu hemen lehiaketan parte hartzeko oinarriak eta bete izen-emate formularioa.

 

 

* Ekimen honek Bizkaiko Foru Aldundiko Enplegua, Gizarte inklusioa eta Berdintasuna sustatzeko saileko Behargintza programaren laguntza jaso du.